Elke jaar hou die skole hier in NZ 'n Agri Dag. Dan kry die kinders geleentheid om hulle diere te skou. Of dit nou perd of hond, kat of vis, en ja, selfs skaap of kalf is. Odélia het toe mos gekies om 'n kalfie te hê. Na twee maande van elke dag se voer en borsel, stap...... en hol, saam en agter die kalf aan, het die groot dag uiteindelkik nader gekruip. Vrydag was naby. Donderdag het die kinders die laaste voorbereiding by die skool gedoen. Daar is natuurlik ook ander dinge by Ag Day te sien as net diere. Odélia se klas het gemmerbroodmannetjies versier, Sand Saucers gemaak en naaldwerk gedoen. Ander klasse het weer ander goedjies gemaak. Alles is Vrydag beoordeel.
Die Sand saucer is 'n bord vol sand, met blomme vesier. Daar is sekere kriteria betrokke, soos bv dit moet 'n defnitiewe patroon hê, daar mag geen sand sigbaar wees nie, ens.
Hier is Odélia besig met haar Sand Saucer.
Die eindproduk.
Hier is Odélia se "Stiching" eindproduk. Hiervoor het sy 'n eerste plek gekry.
No comments:
Post a Comment